कानून, न्याय तथा मानव अधिकार समिति


 

 

 परिचय

    लोकतन्त्रमा नागरिकका हक, अधिकार र स्वतन्त्रताको सुनिश्चितता हुन्छ । वास्तवमा यो नै लोकतन्त्रको मूलमन्त्र र यसमा नै नागरिकको विश्वास अडेको हुन्छ । लोकतन्त्र जनताको शासन व्यवस्था हो । यद्दपि यसमा जनताले प्रत्यक्ष शासन गर्ने नभई उनीहरुका प्रतिनिधि मार्फत शासन सञ्चालन हुन्छ । संसदीय प्रणाली अवलम्वन गरेका देशहरुमा संसदले कानून निर्माण जस्तो महत्वपूर्ण र जिम्मेवारपूर्ण भूमिका निर्वाह गर्छ । संसदको कार्यप्रणालीमा सहयोग पुर्याउने एवं सरकारलाई संसदप्रति उत्तरदायी र जवाफदेही बनाउने भूमिकाका लागि ‘मिनी पार्लियामेन्ट’ समेत मानिने संसदीय समितिहरु गठन गरिन्छन् । सरकारलाई निर्देशन तथा राय सल्लाह दिनुका साथै राज्यका अन्य निकायका कामकारवाही अध्ययन अनुगमन गरी सचेत पार्ने, ध्यानाकर्षण गराउने काम पनि संसदीय समितिले गर्छन् ।

संघीय संसदको नियमित कार्यमा सहयोग पुर्याउन, सरकारलाई स‌ंघीय संसदप्रति उत्तरदायी र जवाफदेही बनाउन, सरकारबाट भए गरेका काम कारबाहीको अनुगमन र मूल्याङ्कन गरी आवश्यक निर्देशन वा राय सल्लाह दिन समेतका लागि संविधानको धारा ९७ तथा संघीय संसद‚ प्रतिनिधि सभा नियमावली, २०७५ को नियम १७० बमोजिम गठित विभिन्न विषयगत समितिहरुमध्ये कानून‚ न्याय तथा मानव अधिकार समिति एक हो । यस समितिले विशेष गरी मानव अधिकारको सम्मान‚ संरक्षण र संवर्द्धन गर्नको लागि सरोकारवाला निकायहरुलाई आवश्यक सल्लाह‚ सुझाव तथा निर्देशन दिने कार्य गर्दछ ।यसको अलावा कानून र न्यायको क्षेत्रमा सकारात्मक सुधार गरी लोककल्याणकारी राज्य र कानूनी राज्य स्थापनामा सरकार र सम्बन्धित निकायलाई रचनात्मक भुमिका प्रस्तुत गर्दछ । 

 समितिको कार्यक्षेत्र

      संघीय संसद‚ प्रतिनिधि सभा नियमावली, २०७५ को नियम १७० बमोजिम गठित कानून‚ न्याय तथा मानव अधिकार समितिको कार्यक्षेत्र:

  1. कानून‚ न्याय तथा संसदीय मामिला मन्त्रालय
  2. न्याय परिषद्
  3. न्याय सेवा आयोग
  4. महान्याधिबक्ताको कार्यालय र
  5. मानव अधिकार 

 

समितिको गठन

प्रतिनिधि सभा नियमावली, २०७५ को नियम १६९ मा प्रतिनिधि सभाको नियमित कार्यमा सहयोग पुर्याउन प्रतिनिधि सभा अन्तगर्त विषयगत समिति र विशेष समिति गठन गर्न सकिनेछ भन्ने व्यवस्था रहेको छ । प्रतिनिधि सभा नियमावलीको नियम १७२ मा नियम १७० बमोजिमका प्रत्येक समितिमा सभामुखले प्रतिनिधि सभाको सहमति लिई पदेन सदस्य बाहेक बढीमा २७ जना सदस्य मनोनयन गर्न सक्नेछ भन्ने व्यवस्था भए बमोजिम २०७५ साल साउन १७ गतेको प्रतिनिधि सभाको बैठकले यो समितिको गठन गरेको हो । हाल यस समितिमा पदेन सदस्य बाहेक २५ जना सदस्यहरु रहनु भएको छ । समितिमा सदस्यको मनोनयन गर्दा सदनमा प्रतिनिधित्व गर्ने राजनीतिक दलको सदस्य संख्या, महिला, दलित, आदिवासी जनजाति, खस-आर्य, मधेसी, थारु, मुस्लिम, पिछडिएको क्षेत्र, अल्पसंख्यक समुदायको समेतको समानुपातिक प्रतिनिधित्वलाई मध्यनजर गरी समितिको गठन गरिएको छ ।

समिति सम्बन्धी विवरणः

  • समितिका सदस्य संख्याः- २५ जना
  • प्रथम बैठकः- २०७५।०४।२१ गते (समितिका ज्येष्ठ सदस्य मा. श्री लक्ष्मणलाल कर्णज्यूको सभापतित्वमा वस्यो)
  • समितिको सभापतिको निर्वाचनः-
  • हालसम्म सम्पन्न बैठक संख्याः- ०३

 

 समितिको सचिवालय

     प्रतिनिधि सभा नियमावली, २०७५ को नियम १८९ मा समितिको सचिवालय सम्बन्धी व्यवस्था रहेको छ । संघीय संसद सचिवालय अन्तर्गत समितिको सचिवालय रहने छ । महासचिवले आफू मातहतको वरिष्ठ अधिकृतलाई समितिको सचिव भई काम गर्न तोक्न सक्ने व्यवस्था छ । समिति सचिवले पदेन सचिवको रुपमा रही काम गर्नेछ ।      

 

समितिमा रहनु भएका माननीय सदस्य तथा सचिवालयका कर्मचारीहरुको विवरण

माननीय सदस्यहरु :-

क्र.सं.

नाम

दलीय आवद्दता

निर्वाचित जिल्ला

फोन नं.

ईमेल

मा० श्री अतहर कमाल मुसलमान

ने. का.

कपिलवस्तु

९८४७०५२६४४

lidonepal@yahoo.com

मा० श्री  उमाशंकर अरगरिया

संघीय समाजवादी फोरम

धनुषा २

९८५४०२४४४८

uargariya@gmail.com

मा० श्री कलुदेवि विश्वकर्मा

संघीय समाजवादी फोरम

कैलाली

९८१८४४७९५०

 

मा० श्री कृष्णभक्त पोखरेल

ने. क. पा.

चितवन २

९८५५०५५९९५

kbp_nepal@yahoo.com

मा० श्री गोमा देवकोटा

ने. क. पा.

सिन्धुली

९८४१६१८४२०

 

मा० श्री देवप्रसाद गुरुङ

ने. क. पा.

लमजुङ्ग १

९८४१५२९८६३

kusum2060@gmail.com

मा० श्री देवप्रसाद तिमलसेना

ने. का.

रौतहट ४

९८५५०२३१६१

 

मा० श्री पदम गिरी

ने. क. पा.

पर्वत १

९८५१०३५०८८

padamgiri.parbat@gmail.com

मा० श्री पदमनारायण चौधरी

ने. का.

सिराह

९८५२८३३४४४

pnchy1947@gmail.com

१०

मा० श्री बालकृष्ण खाँड

ने. का.

रुपन्देही

९८५१०२३५९९

khandbk@gmail.com

११

मा० श्री महेन्द्र कुमारी लिम्वू

ने. का.

झापा

९८५२६८३३२४

 

१२

मायादेवी न्यौपाने

ने. क. पा.

काठमाण्डौं}

९८४१९३७८६२

gmaya7862@gmail.com

१३

मा० श्री मिन वहादुर विश्वकर्मा

ने. का.

सुनसरी

९८५१०६०६९०

meendharan@gmail.com

१४

मा० श्री रविन्द्र राज शर्मा

ने. क. पा.

दैलेख १

९८४८०२६६०९

 

१५

मा० श्री राजेन्द्र प्रसाद गौतम

ने. क. पा.

संखुवासभा १

९८५२०२३५२५

rp2011gautam@gmail.com

१६

मा० श्री रामेश्वर राय यादव

ने. क. पा.

सर्लाही ३

९८५१००३०३५

 

१७

मा० श्री लक्ष्मण लाल कर्ण

रा. ज. पा.

पर्सा ४

९८५१००३५९६

llkarna@gmail.com

१८

मा० श्री लालबहादुर थापा

ने. क. पा.

बाजुरा १

९८४८६१११३०

lbthapa580@gmail.com

१९

मा० श्री विमला वि.क.

ने. क. पा.

बर्दीया

९८५८०३०२५९

bkbimala@gmail.com

२०

मा० श्री विष्णु शर्मा

ने. क. पा.

दाङ

९८६१४९३८२४

 

२१

मा० श्री शेरबहादुर तामाङ

ने. क. पा.

सिन्धुपाल्चोक २

९८५१०४०८२१

 

२२

मा० श्री समीना हुसेन

ने. क. पा.

रौतहट

९८४४४४८७८६

saminahusen@gmail.com

२३

मा० श्री सुवास चन्द्र नेम्वाङ्ग

ने. क. पा.

ईलाम २

९८५१०७०३२२

 

२४

मा० श्री संजय कुमार गौतम

ने. का.

बर्दीया १

९८५८०२११२३

sanjaya.bardiya@gmail.com

पदेन सदस्य

 

 

सि. नं.

सदस्यको नाम‚ थर

सम्पर्क नं.

१.

सम्माननीय प्रधानमन्त्री श्री के. पी. शर्मा ओली

 

.

मा० कानून न्याय तथा संसदीय मामिल मन्त्री श्री भानुभक्त ढकाल

 

 

सचिवालयका कर्मचारीहरु 

सि. नं.

नाम‚ थर

मोवाईल नं

ईमेल

१.

समिति सचिव श्री ध्रुवप्रसाद घिमिरे

९८४१३९८९६३

 

२.

उपसचिव श्री रामकुमार पौड्याल

९८४१६६२२९०

ramkumar@parliament.gov.np

३.

शाखा अधिकृत श्री शिवराम अधिकारी

९८४११२९३८३

shivaramadhikari@parliament.gov.np

४.

ना० सु० श्री सकुन्तला भट्ट

९८६०८६३०१०

 

५.

कार्यालय सहयोगी श्री देवीत्रा राई

 

 

 

समितिको काम कर्तव्य र अधिकार

  • आफ्नो कार्यक्षेत्रभित्र पर्ने मन्त्रालय, आयोग र निकायसँग सम्बन्धित विधेयक उपर दफावार छलफल गरी सो सम्बन्धी प्रतिवेदन पेश गर्ने,
  • मन्त्रालय, विभाग र अन्तर्गतका निकायको नीति तथा कार्यक्रम, स्रोत परिचालन, व्यवस्थापन र अरु यस्तै क्रियाकलापको मूल्यांकन गरी सम्बन्धित निकायलाई आवश्यक निर्देशन दिने र समुचित टिप्पणी, सिफारिस र निर्देशन सहितको वार्षिक प्रतिवेदन बैठकमा पेश गर्ने,
  • मन्त्रालय, विभाग र अन्तर्गतका निकायको राजस्व र व्यय सम्बन्धी अनुमानको जाँच गरी वार्षिक अनुमान तयार गर्ने तरिका, वार्षिक अनुमानमा निहित नीतिको सट्टा अपनाउन सकिने वैकल्पिक नीति र वार्षिक अनुमानमा रहेको रकममा के कति किफायत गर्न सकिन्छ भन्ने सम्बन्धमा सम्बन्धित निकायलाई आवश्यक निर्देशन दिने र आफ्नो राय सहितको वार्षिक प्रतिवेदन बैठकमा पेश गर्ने,
  • मन्त्रिले सरकारको तर्फबाट बैठकमा समय-समयमा दिएका आश्वासनलाई पूरा गर्न नेपाल सरकारद्वारा के-कस्ता कदम उठाइएका छन् सो सम्बन्धमा अध्ययन गरी सम्बन्धित निकायलाई आवश्यक निर्देशन दिने र बैठकमा प्रतिवेदन पेश गर्ने,
  • विषयसँग सम्बन्धित सरकारी निकायको सार्वजनिक सम्पत्तिको हिनामिना भए, नभएको अध्ययन, अनुगमन र मूल्यांकन गरी आवश्यक निर्देशन दिने र बैठकमा प्रतिवेदन पेश गर्ने,
  • सभाद्वारा प्रत्यायोजित अधिकार अन्तर्गत बनाइएको नियम संविधान, सम्बन्धित ऐन, प्रचलित कानून बमोजिम बनेको छ वा छैन र सरकारद्वारा प्रचलित ऐन, नियम अनुरुप काम भए गरेको छ वा छैन भन्ने विषयमा मूल्यांकन गरी सम्बन्धित निकायलाई आवश्यक निर्देशन दिने,
  • सरकारद्वारा समय-समयमा गठन हुने छानविन आयोग/समिति र जाँचबुझ आयोग/समितिद्वारा प्रस्तुत प्रतिवेदन कार्यान्वयनको अनुगमन गरी सम्बन्धित निकायलाई आवश्यक राय, सल्लाह र निर्देशन दिने,
  • मन्त्रालय, विभाग र अन्य निकायबाट सम्पादन भएका कामको अनुगमन तथा मूल्यांकन गरी सो सम्बन्धमा आवश्यक निर्देशन दिने,
  • बैठकले सुम्पेको अन्य काम गर्ने, र
  • समितिको सिफारिसमा सभामुखबाट अनुमोदित बजेट र कार्यक्रमको अधिनमा रही आफ्नो कार्यक्रम सञ्चालन गर्ने ।

 

समिति सचिवालयको काम कर्तव्य र अधिकारः-

  • समितिको योजना र कार्यक्रम बनाउन सहयोग गर्ने,
  • बैठकको कार्यसूची (एजेण्डा) तयार गर्ने एवं बैठकको लागि आवश्यक व्यवस्था मिलाउने,
  • बैठक सञ्चालनको लागि सभापतिलाई सहयोग गर्ने,
  • छलफलका लागि आवश्यक सूचना संकलन तथा वितरण गर्ने व्यवस्था गर्ने,
  • बैठकमा छलफल समाप्त भएपछि बैठकको निष्कर्ष वा निर्णयको मस्यौदा तयार गर्ने र सभापति र सचिवबाट निर्णय प्रमाणित गराउने,
  • उपसमितिहरुको कार्यमा सहयोग गर्ने,
  • समिति वा उपसमितिबाट भएका निर्णयहरु कार्यान्वयन गर्ने,
  • समितिको कार्य सम्पादनमा सहयोग पुर्याउन सम्बन्धित मन्त्रालय, विभाग वा निकायसँग आवश्यक लेखापढी गर्ने,
  • समिति वा उपसमितिबाट हुने स्थलगत अध्ययन भ्रमणको व्यवस्था मिलाउने र सहयोग गर्ने,
  • प्रतिवेदनलाई समितिले अन्तिम रुप दिएपछि प्रतिवेदनका प्रतिहरु तयार गरी सभामा पेश गर्नको लागि प्रक्रिया मिलाउने,
  • सचिवालयबाट भए गरेका कामको अभिलेख राख्ने आदि ।
  •  

    कुनै गतिविधिहरु छैनन् ।
    कुनै प्रकाशनहरु छैनन् ।