दैनिक कार्यसूची : २०७७ जेठ २५ गते

		संघीय संसद राष्ट्रिय सभा छैटौँ अधिवेशन बैठक - १७ २०७७ जेठ २५ गते आइतवार बिहान ११:०० बजे दैनिक कार्यसूची
		राष्ट्रपतिको कार्यालयको पत्र
१	सम्माननीय अध्यक्षले राष्ट्रपतिको कार्यालयबाट प्राप्त विधेयक प्रमाणीकरण सम्बन्धी पत्रको व्यहोरा पढेर सुनाउनुहुने ।
		प्रतिवेदन पेश
२	माननीय उपप्रधानमन्त्री तथा रक्षामन्त्री ईश्वर पोखरेलले "राष्ट्रिय सुरक्षा परिषद्को वार्षिक प्रतिवेदन २०७५/०७६" सभा समक्ष पेश गर्नुहुने ।
		व्यवस्थापन कार्य
३	विधायन व्यवस्थापन समितिका माननीय सभापति परशु राम मेघी गुरुङले प्रतिनिधि सभाबाट सन्देश सहित प्राप्त "बीउ बिजन (दोस्रो संशोधन) विधेयक, २०७५" सम्बन्धी समितिको प्रतिवेदन सभा समक्ष पेश गर्नुहुने ।
४	माननीय उद्योग, वाणिज्य तथा आपूर्ति मन्त्री लेखराज भट्टले "प्रत्यायन (एक्रिडिटेशन) विधेयक, २०७६ माथि विचार गरियोस्" भन्ने प्रस्ताव प्रस्तुत गर्नुहुने ।
५	सम्माननीय प्रधानमन्त्री के. पी. शर्मा ओलीले "तथ्याङ्क विधेयक, २०७६ लाई दफावार छलफलको लागि विधायन व्यवस्थापन समितिमा पठाइयोस्" भन्ने प्रस्ताव प्रस्तुत गर्नुहुने ।
६	कृषि तथा पशुपन्छी विकास मन्त्री माननीय घनश्याम भुसालले,-
	(क) प्रतिनिधि सभाबाट सन्देश सहित प्राप्त विधायन व्यवस्थापन समितिको प्रतिवेदन सहित "विरुवा संरक्षण (पहिलो संशोधन) विधेयक, २०७५ माथि छलफल गरियोस्" भन्ने प्रस्ताव प्रस्तुत गर्नुहुने ।
	(ख) प्रतिनिधि सभाबाट सन्देश सहित प्राप्त "विरुवा संरक्षण (पहिलो संशोधन) विधेयक, २०७५ लाई पारित गरियोस्" भन्ने प्रस्ताव प्रस्तुत गर्नुहुने ।
		(डा. भरतराज गौतम) संघीय संसदको महासचिव